Hauteskunde programaren zirriborroan aurkeztu diren arloak taldeka jorratu ziren eta bi txandatan idatziari ekarpen gehiago gehitu zitzaizkion. Oso emankorra eta aberasgarria izan zen, jendea gustora, bai batzarra egiteko formato berriarekin baita batzarra beraren garapenarekin ere.
Azken ordu erdian alkategaia eta hiru hautagaien aurkezpena egin zen. Alkategaia Mikel Agirrezabala izango da, aurreko legegintzalditik zinegotzi lanetan diharduena. Itziar Arratibel, Jesus Peñagarikano, gaur egungo alkatea eta Hanot Karrera izango dira zinegotzi lanetan datorren legegintzaldian.