Duela 50 urte Gazte Alaiak elkartea sortu zuten bazkideek bota dute Irurako jaien hasierako txupinazoa. Festa batzordeari eskerrak ematearekin batera, elkarteak urteotan egindako lana gogoratu dute. Jarraian, banan bana joan dira bazkideak suziria botatzen, eta bitartean herensugeak elizaren kanpandorretik udaletxeko balkoira bitarteko tartea egin du.
Modu horretan hasi dituzte irurarrek San Migel jaiak. Bederatzi jai egun dituzte aurretik, tartean, bi asteburu.
