Herritar batzuek etxean dituzten liburu zaharrak utzi dituzte azkenaldian liburutegian, kanpoko buzoian eta kultur etxean. Irurako Udalak gogorarazi du liburutegiak ezin dituela mota horretako ekarpen guztiak jaso.
Liburutegiak salbuespenezko kasuetan baino ez ditu jasotzen liburu zaharrak. Azken bost urteetan argitaratutako liburuak badira, eta liburutegiak dagoeneko ale horren kopiarik ez badu, kasuz kasu baloratuko du ea onartu edo ez. Halaber, ez ditu entziklopediak edo antzeko argitalpenak onartzen.
Liburuak utzi nahi dituzten herritarrek Emaus Gizarte Fundazioaren edukiontziak erabil ditzakete horretarako —liburutegiaren inguruan badira halakoak—. Bertan, arropaz gain, liburuak ere utz daitezke.