XIII. Artisautza eta elikagai azoka egingo dute datorren maiatzaren 24an Iruran. Plazako obrak direla eta, azoka frontoiaren eremuan egingo dute; eguraldi onarekin kanpoan, eta bestela pilotaleku barruan. 10:00etatik 14:00etara izango dira postuak zabalik.
Euskal Herriko artisau eta baserritarrak izango dira Irurako azokan, baina izango dira kanpotik etorritako saltzaileak ere. Hau da parte hartzaileen zerrenda:
- Elikagaiak: Goierriko taloak, Aldaba Zaharreko ogia, Flor y Nata gozotegia, Arteta Arditegia, Zampano garagardoa, kontserbak eta Baionako txerrikiak.
- Bitxiak: Verolanak, Mifimo Donostia, Ama joyeria, Barock bitxiak, Luixiren pitxiak, Firin Faran.
- Egurra: Arrano sukaldeko tresnak, Sualma jostailuak, Arteka margolanak eta Kaxka tailak.
- Jostunak: Harri koskor, Ehunduz, Muxugorri, Ni naiz.
- Sendabelarrak: Fermin Goenaga eta Amari Lur.
- Larrua: Paul eta Ainara.
- Bestelako artelanak: Pello Arsuaga xaregilea, Otero pilotak, Kolore estanpazioak, Tximelet ilustrazioa, Amesgile argitaletxea eta Piri Gereñuren lore lehorrak.
Udalak antolatuta, Zizurkilgo Garazi loradendak kokedama tailerra emango du 10:30ean hasita; plaza guztiak dagoeneko beteta daude. Gainera, frontoi inguruan Irurako erraldoiek irteera egingo dute 10:00etatik aurrera.