Goizean, Parisko Stade de Francen, 110 metro hesien probako finalerdietara sailkatzeko bigarren aukeran lehiatzekoa zen Cabang, baina ezin izan du parte hartu azken orduko lesio baten ondorioz. Proba hasi aurreko minutuetan, bere instagram kontutik jakinarazi du Cabangek ez zuela proban parte hartuko: «Sentitzen dut, baina lesio baten erruz ezin izango dut korrika egin». Parisko Olinpiar jokoen atarian, atleta irurarra beste lesio batetik osatzen ari zen, eta oraindik baieztatu ez den arren, litekeena da lesio bera jasan izana Cabangek.
Ametsa egi bihurtu da
Irurarrak Parisko Olinpiar jokoei zapore mikatzarekin agur esan behar izan dien arren, «ametsa egi» bihurtzea lortu du Cabangek, eta bere jarraitzaile guztiei mezu bat igorri die: «Eskerrik asko lagundu eta babestu didazuen pertsona guztiei. «Laban Pilipinas!» esanez agurtu du mezua irurarrak.
