Guztira, 35 parte-hartzaile izan ditu lehiaketak, 18 helduen mailan, eta 17 haurren mailan (14 urtez azpikoak). Parte hartu duten herritar guztien artean, zozketa egin dute eguerdian, herriko plazan, eta Lide Urkia Azkue (7 urte) eta Goizargi Oruesagasti izan dira zortedunak. Urkiak Sendaviva parkerako bi sarrera irabazi ditu; Oruesagastik, berriz, bi lagunentzako asteburu pasa bat.
Zozketaren aurretik, herriko haur dantzariek agurra dantzatu diete udalbatzako ordezkariei, eta ondoren, hamaiketakoaren txanda izan da.
