Atzo abiatu ziren San Migel jaiak Iruran eta gaur dute bigarren eguna. Gazteen eguna ari dira ospatzen gaur. 09:00etan hasi dute festa eta Lasko txarangarekin poteoan ibili dira gazteak. Eguerdian dantza-sokan bildu dira herriko plazan eta jende asko bildu da bertara. Euri jasari aurre eginez, dantzan aritu dira gazteak eta baita sokara batu diren herritarrak ere.
Harrek bazkaria egingo dute elizako arkupeetan eta arratsalderako ere ekitaldi gehiago daude iragarrita:
- 15:30-18:30. Haur parkea Ikastolako eremuan. 1
- 17:00-19:00. IV. San Migel Xare irekia Irurako Udala Sari Nagusia torneoaren finalerdiak, Trinketean.
- 17:00-20:00. Beldur Barik gunea, San Migel plazan.
- 18:30. Poteo musikatua Distopia elektro-txarangarekin.
- 21:00. Gazteen afaria.
- 23:30. Skakeitan eta Dupla taldeen kontzertua.
Lehenengo asteburuko ekitaldiak bihar amaituko dira eta datorren ostegunetik aurrera jarraituko du egitarauak Iruran.
