35 metro pertsona, bikote, familia zein bestelako talderentzat. Bizigarritasuna? Zeren baitakoa? Etxebizitza duinerako eskubidea baldin badaukagu... 35 metro? Ulertzen ditut lurraren erabilera parametroak, eraikuntzaren baldintzak zein hirigintza planak, baina beste behin zeri begira onartu ote den pentsatzera naramate 35 metro horiek. Eraikin bakoitzean 35 metroko erleabiak egin daitezke, salmenta prezioak beste zerbaiten arabera ezarriko direla jakinik. Irizpide nagusia horren ingurukoa izango ez ote den pentsatu dut irakurri orduko. Beste behin ere goitik beherako begiratua behetik gorako eraikuntzari. Ah, baina hori, terrazak garrantzitsuak dira...
35... 35 metrotan ezarri du Jaurlaritzak etxebizitzen gutxieneko neurria, bizigarritasun baldintzak betetze aldera. 35 metro bizitza baterako.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!