Beste batzuk erabakitzen dute zein fasetan biziko garen, eta badu bere zentzu bat, geure esku utzi ezkero desfase bat izango litzatekeela denok dakigu eta. Ikusi dugu norbere ardurapean utzi ezkero hori interpretatzeko oso modu ezberdinak ditugula, norberari buruz denean edo besteei buruz denean batez ere. Kexu zen aurrekoan gure herritar bat, denak bere ordu berean atera zirela pasiatzera. Ez zitzaion burutik pasa ere egingo bera izan zitekeenik beste denen ordu berean atera zena. Eta hala, ematen ez diguten askatasunaz kexatzen garen bitartean, hurrengo faserako baimena noiz emango zain gaude. 0 fasetik 1era pasa gara orain, zorionekoak gu, baina ez erabateko 1era ere. 0,n bizi gara Jaurlaritza eta gure egonezinaren eskutik.
Faseka bizi gara orain, osorik biziko ez bagina bezala, epekako bizitza baten antzera.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!
