A ze parea, karakola eta barea lelopean ospatu zuten Irurako ikastolan atzo, inauterietako jaialdia. Txanogorritxu eta otsoa, erlea eta lorea, sagua eta katua, euria eta eguzkia, eta Pinotxo eta Gepetto gorpuztu zituzten.
Frontoia bete zen ikastolako ikasleen dantzak ikusteko. Lehen Hezkuntzako seigarren mailakoek aurkeztu zuten ikuskizuna eta bi saski ere zozkatu ziren.
Bi urtekoek eta Lehen Hezkuntzako bigarren mailakoek, Txanogorritxu eta otsoa gorpuztu zituzten. Haur Hezkuntzako lehen mailakoek eta Lehen Hezkuntzako hirugarren mailakoek, erlea eta lorea; Haur Hezkuntzako bigarren mailakoek eta Lehen Hezkuntzako laugarren mailakoek sagua eta katua; Haur Hezkuntzako hirugarren mailakoek eta Lehen Hezkuntzako bosgarren mailakoek euria eta eguzkia; eta Lehen Hezkuntzako lehen mailakoek eta seigarren mailakoek Pinotxo eta Gepetto.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
