Sanmiel festetako lehen asteburuan murgilduta daude irurarrak. Atzo jaitsi zen herensugea eta urriaren 1a bitarteko egitaraua dute aurretik. Haur, gazte eta bikoteen eguna da gaurkoa, eta ederki aprobetxatzen ari dira.
Haur, gazte eta bikoteen eguna da gaurkoa, Iruran. Haurrek puzgarri eta bestelako jokoak dituzte garbilekuko plazan, baina guztiek dute festan murgiltzeko aukera Iruran. Gazteek patata tortilla lehiaketa izan dute elizpean eta 3 pertsonez osatutako 26 taldek hartu dute parte. Ondoren iritsi da dantza-sokaren txanda.
Eguna bukatu aurretik bertso saioa izango da elizan eta baita poteo musikatua eta buruhandiak ere. Gauean Iratzar taldearen doinuak izango dituzte eguna goizaldera arte luzatzeko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
