Bildutako guztia Intxaurrondoko Elkarte Gastronomikoari emango zaio. Elkarte honek, Greziako Chios irlara iristen diren errefuxiatuei elikatzeko jangela solidarioa antolatu du. Egunero-egunero 1.200 pertsonak baina gehiagok jaten dute “Zaporeak-Sabores” proiektuari esker.
Siriako gerra inoizko errefuxiatu eta desplazatu gehien eragiten ari den gertaera historikoa da. Milaka pertsonek, euren familia eta duten guztia utzi eta ihes egin behar izan dute. Komunikabideetan ia egunero ikusten dugun moduan ordea, errefuxiatuek oztopo latzak dituzte Europan sartzeko. Gainera, Europako mugetan bizi duten egoera tamalgarria da benetan.
Era guztietako produktuak bilduko dituzte: tea, olioa, garbantzuak, zopak eta haurrentzako esnea hautsean eta potitoak jasoko dira, besteak beste. Eta umeentzako toailatxo hezeak, kremak eta bodiak ere eman daitezke. Ikastola berrian –idazkaritza alboan–, udaletxeko harrera bulegoan eta udal liburutegian entregatu ahal izango dira produktuak, maiatzaren 9tik 23ra.