Xabier Artola irurarra eta Pasaiako Idoia Besada izan dira txapeldunak Bergaran Moises Azpiazuren omenezko 30. bikote nagusien dantza solte txapelketan. Zazpi bikote izan dira.
Bigarren Santurtziko Lander Campos eta Leioako Haizea Hormaetxea izan dira; hirugarren, berriz, Asier Ibarguren eta Garazi Gurrutxaga azpeitiarrak izan dira.
Urtarrilean osatu zuten bikotea Artolak eta Besadak, eta maiatzean hasi ziren txapelketetan parte hartzen. Udaberri Dantza Taldeko kide den Irurako dantzariak Goiena-ri adierazi dion moduan, beste txapelketa batzuetan "indartsuago" izan ziren, eta ez zuten espero irabazterik: "Izugarrizko maila egon da, eta pozik gaude".
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!