Maiatzaren 24ko udal hauteskundeetan irabazi ondoren, bost zinegotzi izango ditu EAJk eta lau EH Bilduk. Ana Leunda jeltzalea izango da alkate berria Iruran.
Ainhoa Ugalde aurreko alkatearen eskutik jaso du aginte makila Ana Leundak. Koalizio abertzaleko hautagaiak zorionak eman dizkio jeltzaleari eta zorte ona opa dio.
"Orain arte egon den bezala, aurrerantzean ere udaletxeko ateak zabalik izango dira herritar guztientzat", ziurtatu du Leundak. Bide batez, beraiengan konfiantza jarri zuten herritarrak eskertu ditu alkate izendatu berritan.
Udaletxearen atarian udal gobernu berriari agurra egin dio dantzari batek.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!