Atzo, arratsaldeko laurak aldera, Irurako Ibaiondo industrialdeko segurtasun-zaintzaile batek Ertzaintzari jakinarazi zion gazte batzuk zeudela han, enpresa baten ondoan aparkatutako obra-makina bat manipulatzen. Inguruotan zaintza-lanetan zebilen herritarren segurtasuneko patruila bat tokira joan zen; han, egiaztatu zuten dumper makina baten erregai-tanga zulatuta zegoela, barruko gasolioa ateratzeko.
Agenteak iristerako, susmagarriak ez zeuden inguruetan; beranduago atzeman zituzten, handik hurbil, turismo batean industrialdetik alde egitera zihoazela. Ertzainek identifikatu zituzten eta, beharrezko egiaztapenak eginik, biak atxilotu zituzten, ustezko lapurreta-delitu baten egileak izateagatik. Jarraian, ertzain-etxera eraman zituzten, beharrezko izapideak egiteko.