Azken legealdi honen inguruko zer nolako balantzea egiten duzu?
Balantze positiboa egingo nuke. Esperientzia berri bat izan zen duela lau urte, argi nuen herriarentzat lan egin nahi nuela eta gaur ere gauza bera pentsatzen jarraitzen dut. Irura hobe baterantz urratsak ematen joan nahiko nuke eta ardura horrekin orain arteko bidetik jarraituko dugu.
Zer nabarmenduko zenuke hauteskundeetarako prestatu duzuen programatik?Interesgarria da. Hirigintzan adibidez plaza oinezkoentzat soilik jartzea eta bidegorria egitea proposatzen dugu. Parke bat estaltzeko proiektua ere badugu eskuartean. Gazte eta nerabeen inguruan ere lanketa berezi bat egin nahi da, beraien guneak sortzeko herrian. Azken legealdi honetan oso garrantzitsuak izan dira auzoz auzoko bilerak, eta hauek indartzen jarraitu nahiko genuke, herriari hitza emateko eta aurrekontuetan erabakitzeko.
Irurarrek zergatik egin beharko luketen zuen aldeko hautua igandean?
Gure eredua herriarekin eta herriarentzat lan egitea da. Ideia hori gustuko duenak bozkatuko gaitu, eta gu bitartean emaitzen zain geratuko gara.
