Irurako EAJk maiatzeko udal hauteskundeetarako zerrenda aurkeztu du. Ana Leunda izango da alkategaia, eta prentsa ohar bidez adierazi du "topaguneak aurkitzeko jarrera irekiarekin gobernatu nahi duela". Zerrenda honako hauek osatuko dute:
- Jesus Mari Alonso
- Jose Ramon Epelde
- Mª Cristina Santos
- Marta Castrillo
- Enrique Etxeberria
- Sagrario Sorondo
- Begoña Urkola
- Yesenia Valderrama
- Ordezkoak: Tomasa Sastre eta Leonora C. Halil
Zerrenda “herriarekin lotura handia duten emakume eta gizonek" osatzen dutela adierazi du alderdi jeltzaleak. Halaber, diote sinisten dutela "bestelako Irura batean, irekiagoa, begirunea duena eta toleranteagoa". Horretarako Laskibarren eta herrigunean egindako bileretan hartutako konpromisoak beteko dituztela diote.
Hamar konpromiso
Bestalde, Leundak bere programako hamar konpromisoak jakinaraziko ditu datozen egunotan. Lehena aurreratu du: “atez atekoa kendu eta edukiontzien aldeko apustua egin”. Industria sarearekin elkarlanean aritzeko jarrera ere agertu du.