Su txikiak

Xabi Etxaniz Korrika arduraduna da Tolosaldean eta Olatz Peñagarikano Tolosaldeko eta Andoaingo AEKko zuzendarirekin batera azaldu ditu aurtengo Korrikaren ingurukoak. Ibilbideaz, lekuko hartzeez eta ekimena laguntzeko moduez hitz egin dute.

'Gu da gure guda' liburua aurkeztuko du gaur Anoetan Balu artistak. Poesia eta espazio publikoa lotzen ditu. Esaldi horiek esku-hartze artistiko bihurtu ditu Balu egileak hiriko elementuen gainean eta, modu horretara, hitzaren dimentsio poetikoa nabarmendu nahi izan du. Proiektuak Berlin, New York, Bartzelona edo Madril bezalako hiriak zeharkatu ditu, bertako kaleetan arrastoa utziz eta idazketaren eta hiri-ingurunearen arteko elkarrizketa sustatuz.

Euskal Herrian Euskarazek abenduaren 6an manifestazioa egingo du Durangon, 13:00etan Landako Gunetik hasita. 'Euskaraz Bizitzeko, Euskararen Errepublika' leloa eramango du eta 30 eragilek baino gehiagok eman diote dagoeneko mobilizazioari atxikimendua. Intza Gurrutxaga EHEko kideak luzatu du deialdia Tolosaldean.

Iraitz Lizarragak eta Izaro Lizarragak 'Hamar marra' izeneko album ilustratua atera dute Txalaparta argitaletxearekin. Emakumeen memoria historikoa berreskuratu nahi izan dute eta 36ko gerraren testuinguruan Aiztondon emakumeek eta umeek jasan izan zuten jazarpena kontatu dute.

Javi Buces historiagileak 'Askatasun haizea. Txiki eta Otaegi. Frankismoaren azken fusilatuak' izeneko liburua publikatukok du Txalaparta argitaletxean. Duela 50 urteko gertakizunez aritu dira. Bi euskal militanteak FRAPeko beste hiru kiderekin batera fusilatu zituzten.

Euskal Herriko Gazte Feministen 2025eko Baterajotzea egingo dute urriaren 31tik azaroaren 2ra Zaldibarren. Uxue Alkorta sareko kideak eman dizkigu 'Feminismoa lubaki' lelopean ospatuko diren jardunaldien berri.

Desazkunde turistikoaren aldeko Euskal Herriko topaketak egingo dituzte Donostian urriaren 24an eta 25ean. Turistifikazioari erantzuteko eta bizilagunekin antolatzeko balioko dute jardunaldiek. Horrela defendatu du antolatzaile taldean dabilen Bizilagunekin plataformako Asier Basurtok.

Abargi gazte asanblada sortu dute. Irailaren 20an Zizurkilen antolatutako egun osoko egitarauaren barruan aurkeztu zuten Aiztondoko gazteen bilgune izango den asanblada. Kideek salatu dute bailaran gazteentzat sozializaziorako guneak falta direla eta horri aurre egiteko, gazteen despolitizazioa borrokatzeko eta mundu mailako joera erreakzionarioari planto egiteko antolatu dira.