Postalak

Unai Ugartemendia eta Izar Amundarainekin klima aldaketak nola eragiten duen bidaien antolaketan ikusi dugu. Esaterako, geroz eta gehiago dira tenperatura beroak ekiditen dituztenak, eta elurra geroz eta gutxiago egiten duenez, eskiatzera joateko aukera murritzagoa da.

Izar Amundarainekin eta Ramon Olasagastirekin bidaiatzeko hainbat modu izan ditugu hizpide.

Iosu Iztueta eta Nekane Artolazabalekin bertako nahiz Euskal Herritik kanpoko hondartzen inguruan aritu gara.

Bukaera polita izan duten bidaietan gertatutako pasadizo edo gorabeherak gogoratu dituzte Nekane Artolazabalek, Ramon Olasagastik eta Fabi Jubinek.

Unai Ugartemendia, Izar Amundarain eta Iosu Iztuetarekin Tolosaldean nahiz eskualdetik gertu egin daitezkeen proposamenak ikusi ditugu.

Bidaia egin aurreko prestaketez aritu gara Ura Iturralde eta Nekane Artolazabalekin.

Azken bost urteetan bikoiztu egin omen dira hegaldien eta ostatuen prezioak. Horren inguruan gogoeta egin dute Izar Amundarain eta Iosu Iztuetak.

Unai Ugartemendia, Iosu Iztueta eta Nekane Artolazabal izan dira gaurko saioan. Nomaden inguruan aritu dira solasean.

Fabi Jubin eta Ramon Olasagasti izan dira gaurko saioan, bidaia espiritualen inguruan solasean.

Iosu Iztueta eta Izar Amundarain ametsetako bidaiaren inguruan aritu zaizkigu solasean. Oraindik egin gabe duten edo dagoeneko egina duten bidaia berezia azaldu dute, eta ametsetako bidaiak ez duela zertan oso urrutira izan behar ere gehitu dute.  

Ura Iturralde eta Unai Ugartemendiarekin Tolosako inauteriez, inauterizale izateaz, eta munduko inauteriez aritu gara solasean.

Iosu Iztueta eta Unai Ugartemendia izan ditugu urteko azken saioan. Gabonetako argiak izan dira solasaldiko abiapuntua, eta hortik aurrera hainbat gai ikutu dituzte.