Gaur 02:00 aldera N1 errepideko 428. kilometroan dagoen tunelean luizia izan da. Tunelaren sabaiari eusten dion ehun asfaltikoaren zati bat erori da eta geroztik itxita dago errepidea Gasteizko noranzkoan. By pass bat prestatu dute, Donostiarako noranzkoan bi noranzkoetan zirkulatzeko aukera emateko, eta horrek trafikoa arintzen lagundu du. Bay passa asteburu osoan egongo da indarrean, gutxienez astelehena 06:00ak arte, eta aholkatu dute AP-8 eta AP-1 autobideak erabiltzea Donostia eta Gasteiz artean errepidez bidaiatzeko. N-1eko ingurabidea ez betetzeko, eskualdeko herritarrei gomendatu diete Ikaztegieta eta Legorreta arteko errepide zaharra erabiltzeko.