Joan den maiatzaren 28ko udal hauteskundeetan, EH Bilduk irabazi zituen hauteskundeak Ikaztegietan zazpi zinegotzietatik bost eskuratuta. Oposizioan EAJk bi zinegotzi izango ditu.
Gaur hartu dute kargua ia hautetsi guztiek, horien artean, aurrerantzean alkate bezala jardungo duen Garmendiak. Anton Elosegi (EAJ) ez da gaur izan udaletxean, eta udalbatza berriaren lehen bilkuran hartuko du kargua. Bestalde, Bakarne Otegik eskerrak eman dizkie azken zortzi urteetan bere ondoan izan diren zinegotzi eta udal langileei. Lore sorta eta oroigarria jaso ditu, eta Garmendiak eskari bat egin dio, herriko festetako txupinazoa botatzea.
Ikaztegietako udalbatza ondorengoek osatuko dute:
- Alba Garmendia Castaños (EH Bildu)
- Maria Apalategi Gorrotxategi (EH Bildu)
- Eñaut Larrea Lazkano (EH Bildu)
- Adur Ibarguren Lazkano (EH Bildu)
- Maite Iraola Aguirresarobe (EH Bildu)
- Anton Elosegi Villanueva (EAJ)
- Patxi Ulanga Mugica (EAJ)
