Oroimen historikoa lantzeko ikerketa bat abiatuko du Ikaztegietako Udalak, Aranzadi zientzia elkartearekin batera. 1936 eta 1945 urte artean, 36ko gerrak eta lehen frankismoak Ikaztegietan zer eragin izan zuen aztertu nahi dute. Horretarako, herritarrei dei egin diete, garai horien inguruko testigantzak, argazkiak edota dokumentazioak bildu ahal izateko.
Ezagunei, gurasoei edota senideei gertatuak edo kontatuak jaso nahi dituzte, eta horretarako memoria bulegoa zabalduko dute aurrerantzean, Ikaztegietako udaletxe azpiko aretoan, asteazkenetan, 10:00etatik 14:00etara eta 15:00etatik 18:00etara.