San Lorentzo jaien bigarren eguna dute gaurkoa, eta gaur, egitarau oparoa dute aurretik ikaztegietarrek. Herriko musikariek alaituta hasi dute goiza, buruhandi eta erraldoien kalejirarekin batera. Txikienek gozatu ederra hartu dute buruhandien aurretik korrika eginez eta erraldoien dantzei jarraituz. Plazatik abiatuta, herri guztia zeharkatu dute, eta plazan amaitu dute kalejira. Atseden hartzeko denborarik gabe, kalejiraren ostean, umeek altxorraren bila egin dute herrian zehar. Eta, eguerdian berriz, bazkaria egingo dute denek batera.
Arratsaldean ere festak ez du etenik izango. Ikusi egitarau osoa hemen.
