Giro ederrean hasi dira Ikaztegietako San Lorentzo jaiak. Festa eta Kultura batzordekoek eman diote hasiera txupinazioari. Bertan, pandemiak eragindako une gogorrak ekarri dituzte gogora, baina aurtengo festetarako "gogotsuago" daudela azpimarratu dute. Horrez gain, herrian ezagun diren emakume taldeak egiten duen lana ere eskertu nahi izan dute. Pregoiaren ostean, herriko aguazila den Ketxus Garmendiak hartu du lekukoa, festa batzordeak eman baitio jaien hasierako suziria botatzeko ohorea.
Behin suziria lehertuta, umeentzako goxokiak bota dituzte plazan. Herrian zehar kalejira ere izan da buruhandi eta erraldoiekin batera. Eta bitartean, txakolin dastaketa egin dute herriko plazan. Egitarauak ez du etenik izango egun guztian zehar, eta arratsaldean ere jarraituko du festak. Ikusi hemen egitarau osoa.
