Gabonen bueltan, Ikaztegietako Udalak Errigorako saskiak zozkatzen ditu. Lau dira zehazki eta, gaur, eskola haurrek atera dituzte zenbakiak.
Bi kaxa beltz eta bi kaxa berezi dira herritarren artean banatuko direnak. Lehenengo kaxa beltzaren zenbakia 102a izan da, eta bere ordezkoa 070. Bigarren kaxa beltzaren zenbakia 064 atera da, eta ordezkoa, 010. Kaxa bereziaren lehen zenbakia 052 suertatu da, eta bere ordezko zenbakia 110 da. Eta azken kaxa bereziaren zenbakia 002 da, eta ordezkorik beharko balitz, 003.
Zortedunek 15 egun izango dituzte saria jasotzeko, eta epe hori pasata, ordezkoek jasotzeko aukera izango dute.