Gipuzkoako Foru Aldundiaren Energia Argitu programa iritsiko da urriaren 6an Ikaztegietara. 18:00etan egingo dute tailerra, erabilera anitzeko aretoan. Helburua izango da "gizartean pixkana txertatzen eta indarra hartzen ari diren mugikortasun jasangarrirako eredu berriei buruz herritarrak informatzea". Zehazki gaur egun merkatuan dauden ibilgailu elektrikoen ezaugarriez ariko dira eta baita ibilgailu horien kontsumoaz eta salneurriaz ere, besteren artean.
Tailerrean parte hartzeko aurrez eman behar da izena eta urriaren 2a izango da azken eguna. 943 65 33 29 telefono zenbakira deituta edo argitu@gipuzkoa.eus helbidera idatzia eman daiteke.