Herri bizia izaten jarraitzeko kultur ekitaldiez gain, kirola eta aisialdia bultzatzen ahaleginduko direla hitz eman dute. “Adin tarte guztiak kontuan hartuko dituzten ekimenak bultzatuko dira, eta orain artean martxan daudenei jarraipena emango zaie”, azpimarratu dute EH Bilduko ordezkariek.
Gizarteak azken urteetan izan dituen aldaketak Ikaztegietan ere isla izan dutela azaldu dute, “baina Ikaztegietako EH Bilduk jakin du egoera berrietara egokitzen”. Herritarren arteko harremanak sendotze horretan, “garbi daukagu euskara izango dela erabiliko dugun hizkuntza”.
Etorkizunean nolako herria nahi dugun galdera herritarrei luzatuko dietela nabarmendu dute: “Parte hartze prozesu batean oinarrituta, etorkizuneko etxebizitza eredu berriak aztertu, eta plan orokorraren hausnarketa egingo da”. Gune ezberdinen eraldaketa ere irudikatzen dute, besteak beste, haur parkean edota kiroldegiko zelaian; baina, “begirada jasangarritik” etorriko dela diote.
Bukatzeko, “herri parekideago bat izateko lanean jarraituko dugu”, adierazi dute EH Bilduko hautagaiek.
Zerrendako kideak:
- Bakarne Otegi Jauregi
- Adur Ibarguren Lazkano
- Manex Saez de Egilaz Larrea
- Beñat Diaz Yañez
- Miren Mendizabal Makazaga
- Igor Urreta Garaialde
- Unai Iraola Arza
- Idurre Arin Zubeldia
- Andoni Matxain Goikoetxea
- Alba Garmendia Castaños