Gaur, Ikaztegietako San Lorentzo festetan, kuadrillena da herria girotzearen ardura. Hala ere, goizean, frontoi txikiko txapelketako hiru finalak jokatu dira; herritar ugari bertaratu da partidak ikustera.
Haurren kategoriakoa, emakumezkoena eta gizonezkoena. Horiek izan dira, goizean jokatu diren finalak, orden horretan. Lehenak Ipentza eta Irastorza izan dira, non bigarrena erraz gailendu zaion lehenari. Beste bi partidetan, ordea, parekatuagoak izan dira lehiak, eta azkenean, Uriak eta Larreak irabazi dute emakumezkoen eta gizonezkoen mailan, Larrea eta Mozo aurkariak 20 tantotan utziz.
Frontoi txikiko txapelketako finalen emaitzak:
Enetz Ipentza 6-16 Markel Irastorza
Uxue Larrea 20-22 Maddi Uria
Eñaut Larrea 22-20 Uxer Mozo
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
