Beltzak, haragiarekin, arrainarekin, barazkiekin... Denetariko paella errezetak prestatu dituzte ikaztegietarrek. Kuadrilla bakoitzak, bere paella zuen. Guztira, 200 herritar inguru elkartu dira bertan, lagun artean egindako bazkari goxoa dastatzeko. Batzuek, paella platerkadak sagardoz laguntzeko hautua egin dute.
Bazkariaren ondoren ere, egitarauari men eginez, festak ospatzen jarraituko dute bertan. Eonian elektrotxarangaren saioaren ondoren, kuadrillen arteko jolasak egingo dituzte. Segidan afaltzeko ordua helduko da, gauez, Oxabi erromeri taldearen kontzertuan dantzan hasi aurretik. Musika, ordea, ez da hor amaituko, eta DJ Baldaren ardura izango da, aurtengo festei amaiera ematea.
Argazki galeria hau babesten du:
