Txindoki mendian gora eta behera ibiliko dira bihar, ekainak 9, bi korrikalari. Apustua jokatu dute, ea nork azkarrago igo eta jaitsi. Jokoan afaria egongo da. Galtzailearen kuadrillak irabazlearen kuadrillari ordaindu beharko dio; korrikalariak ere pentsatzen da kuadrilla barruan sartuko dituztela.
11:00etan Larraiztik irtengo dira Mattin Jauregi ikaztegietarra eta Gartxot Mugarza malabiarra. Txindoki Tximista ibilbidetik igo eta jaitsi beharko dute. Amaiera irteera puntuan jarri dute, hau da, Larraitzen.