Ikaztegietako frontenis txapelketako finala, erabakita

Tolosaldeko Ataria 2018ko mar. 27a, 13:43

Eñaut eta Uxue Larrea, eta Xabi Luzuriaga eta Izaro Olano bikoteak dira Frontenis Txapelketa Mistoko finala jokatuko dutenak, Ikaztegietako Gazte Egunean.

Asteburuan jokatu zituzten finalerdiak, eta larunbateko partidan, Eñaut eta Uxue Larrea anai-arreba ikaztegietarrek 30-23 irabazi zieten, Maria Apalategi eta Lander Alkiza herritarrei. 

Igandeko partida, Xabi Luzuriaga uganetarra eta Izaro Olano altzotarraren, eta Haritz Azurmedi eta Maialen Dorronsoro albizturtarren aurkakoa izan zen. Kasu honetan, lehen bikoteak lortu zuen garaipena, Azurmendi-Dorronsoro bikotea 21 tantotan utziz.

Guztira hamabi bikotek parte dute txapelketan.

Gazte Eguneko bazkarirako txartelak

Bihar, hilak 28, Gazte Eguneko bazkarirako txartelak eskuratzeko azken eguna izango da. Ostatuan daude salgai txartelak, edota ikaztegietakogaztetaldea@gmail.com helbide elektronikora idatziz eskuratu daitezke. 10 eurotan jarri dituzte, baina nahi izanez gero 2 euroko laguntza ere eman daiteke 12 euro ordainduz.

Gazte Taldetik, jakinarazi dute, martxoaren 29tik apirilaren 8ra bitarte ere, bazkarirako txartelak erosteko aukera eskainiko dutela, baina 2 euro gehiago garestituko dira.

Gazteak Ikaztegieta

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!