Ikaztegietako Gazte Egunaren egitaraua prest

Tolosaldeko Ataria 2018ko mar. 9a, 17:30

Apirilaren 14an egingo dute Ikaztegietako Gazte Eguna, Ikaztegietako Gazte Taldeak antolatuta. Eguneko bazkarirako txartelak Ostatu tabernan edo ikaztegietakogaztetaldea@gmail.com helbidean lortu daitezke.

Bazkarirako txartelak 10 eurotan daude salgai egun, baina nahi izanez gero 2 euroko laguntza ere gehitu daiteke, guztira 12 euro ordainduz. Martxoaren 29tik apirilaren 8ra bitarte, berriz, bazkarirako txartelak 2 euro gehiago garestituko dira. 

Egitarauari dagokionez, solasaldia eskainiko dute Onintza Enbeita eta Kattalin Minerrek, Plaza: konkistatu beharreko zera hori izenburupean. Frontenis txapelketako finala ere jokatuko da, sorpresaren batekin. Ondoren bazkaria egingo dute eta bazkalondoan bingoa izango da. Arratsaldean elkartasun argazkia aterako dute Altsasuko gazteen alde, eta ondoren poteoa. Zahagi-ardoarekin eta kontzertuarekin bukatuko da Gazte Eguna. Kontzertuetan TPR, Estarlus eta Katez taldeek parte hartuko dute.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!