Haurrak izan dira eguneko protagonista, eta ederki gozatu dute. Goizean, mushing erakustaldia eta zinta karrera izan dituzte. Ondoren, bazkaria egin dute indarrak hartzeko.
Arratsaldean, indarrak xahutzeko aukera izan dute berriz ere: bazkal ondoren, haur jolasak egin dituzte, eta zezen txikien aurretik eta poneyen gainean ibili dira gero. 19:15etan, tortila patata lehiaketa egin dute, eta bitartean, toka txapelketa jokatu dute.
21:00etan, prestatutako tortilak jango dituzte, eta Gabenara taldearekin dantzaldia izango da eguna bukatzeko.
Bihar, San Lorentzo Eguna
Bihar igoko dute ikazkina, baina lehenengo festetako egun handia ospatuko dute ikaztegietarrek, San Lorentzo eguna. Hamaika ekitaldi antolatu dituzte:
Abuztuak 10, asteazkena
SAN LORENTZO EGUNA
11:15. Meza.
13:00. Herriko musikarien kontzertua. 18:00. Pilota partidak:
1. partida: Olaberria (Ikaztegieta) -Irastorza (Ikaztegieta) vs. Benavente (Ikaztegieta)- Artola (Ikaztegieta).
2. partida: Urretabizkaia (Ikaztegieta)- Telletxea (Albiztur) vs. Labaka (Albiztur)- Erasun (Zizurkil).
21:00. Herri afaria.
23:00. Zesuma
00:00. Ikazkina igotzea eta euskal dantzak herritarren eskutik.