Ikaztegietan izan diren guardia zibilei Unitate Zentral Operatiboko(UCO) agenteak gehitu zaizkie. Guardia Zibilaren polizia judizialaren organo nagusia da UCO. Euren egitekoa, modu larrieneko delikuentzia eta antolatutako krimena ikertzea omen da.
Herritarrek "atzotik jende arraroa" zebilela esan dute Ikaztegietan. Miaketa 11:30an inguruan hasi da, eta "operazioa amaitu arte" bere inguruko berririk ez dutela emango azaldu dute guardia zibilek eta ertzainek. Iker Otamendi Ikaztegietako alkatea eguerdian izan da bertan, eta ez diote informaziorik eman. Guardia Zibila joan ostean Ertzainak gerturatu dira bertara. Guardia Zibilaren prentsa departamentuak jakinarazi du oraindik operazioak irekita jarraitzen duela.