Ikaztegietako krosean lehen hiru gizonezkoak zazpi segundoko tartean helmugaratu dira. Jose Antonio Blanco (31'42''), Hmatovov Salah (31'46'') eta Gorka Satrustegi (31'49'') izan dira azkarrenak. Diferentzia handiagoz helmugaratu dira lehen hiru emakumezkoak: Nieves Zarza (41'12''), Nerea Etxeberria (42'29'') eta Ane Balenziaga (44'16'').
Herriko lehenengoentzako ere izan da saria, eta Ina Agirrek (56'52'') eta Joxe Mari Garmendiak (38'30'') eskuratu dute. Beteranoei dagokionez, emakumezkoetan Jaione Olano (44'46'') eta gizonezkoetan Jose Javier Cuadrado (34'08'') izan dira. Guztira 107 parte hartzaile izan dira nagusien krosean; aurretik gaztetxoak aritu dira lasterketan.