Enduro Jaitsieraren hirugarren edizioa urriaren 3an ospatuko da Ibarran. Bizikleta zaleek hitzordu berezia izango dute herrian, bi jaitsieraz gozatzeko aukera izango baitute, kirola eta festa giroa uztartuz.
Proba 17:30ean hasiko da lehen jaitsierarekin, 4,3 kilometroko ibilbidean. Bigarren jaitsiera, berriz, 19:00etan egingo da, 3 kilometroko ibilbidearekin.
Jardunaldiaren amaieran, 20:00etan, sari banaketa egingo da. Horrez gain, zozketak eta jan-edana ere izango dira, parte-hartzaile zein ikusleentzat giroa borobiltzeko.
Izen-ematea zabalik dago dagoeneko, eta parte hartu nahi dutenek QR kodearen bidez edo ondorengo formularioaren bitartez eman dezakete izena:
Enduro Jaitsierak hirugarren edizioa beteko du aurten, eta Ibarran bizikleta zaleak bilduko ditu beste behin. Antolatzaileek parte hartzera animatu dituzte zale guztiak, urriaren 3an kirola eta jai giroa batera bizitzeko.
