Gipuzkoako Foru Aldundiko Gazteria Zuzendaritzatik sustatzen den Gazteak Auzolanean egitasmoaren barruan, hitzaldi eta tailer sorta antolatu du Ibarrako gazte talde batek. Egitarau horri Gazte, emozioen jabe! izena jarri die eta, hain justu, gaur, bigarren saioa izan dute Txontxo lokalean. Donna Apellaniz terapeuta emozionalak gidatu du gaurko saioa, eta bertan ikasketek sortzen dituzten kezkak eta emozioak nola kudeatzen ikasten aritu dira.
Hemendik aurrera lanketa horretan ariko dira. Saioak igandeetan egingo dituzte, Txontxon, eta terapeuta emozionalaz gain, Oihana Calderero psikologoak ere gidatuko ditu. Apellanizen hurrengo saioa maiatzaren 25ean, 11:00etatik 13:00etara izango da; eta Caldereroren saioak, berriz, maiatzaren 11 eta 18an eta ekainaren 1ean, 10:00etatik 12:00etara. Saio guztiak doakoak izango dira, eta herritar guztientzako zabalik egongo dira, izan ibartarra edo ez.