Nahikoa da! Errespetatu txirrindulariak lelopean protesta egin dute Usurbilen gaur eguerdian. Protesta horrekin, iragan astelehenean, martxoaren 3an, Usurbilen izandako istripua salatu dute. N-634 errepidean gertatu zen istripua. 53 urteko txirrindularia jo zuen kamioi batek, eta ondorioz hil egin zen.
Hildako ibartarra Iñaki Pakea Arsuaga zen. Tolosaldea Lanbide Heziketa Institutuko zuzendaria eta ezaguna eskualdean, bai hezkuntza munduan, bai eta kirol munduan ere.
Usurbilgo mobilizazioan Pakearen senide eta lagunak izan dira, baita Ibarra eta Tolosako alkateak ere, Igor Zapirain eta Andu Martinez de Rituerto.
Gaurko ekimenaren kronika zabala, berria.eus webgunean.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!