Joan den uztailean hasi ziren Ibarrako Uzturpe Ikastolaren kanpoko espazioa berritzen eta, gaur goizean, ikastetxeko gurasoen eta haurren aurrean aurkeztu dute. Jolastokia «goitik behera» berritu dute eta lanak baliatu dituzte eraikinaren azpian dauden euri urak jasotzen dituzten hodiak berritzeko ere.
Arduradunek, oro har, gogobeteta hitz egin dute emaitzaren inguruan, eta zehaztu dute «zenbait elementu osagarri» falta direla, oraindik, jolastokia erabat bukatzeko. Ikastetxeko komunitateko kideez gain, aurkezpenean izan dira, besteak beste, Ibarrako Udaleko ordezkariak, parte hartze prozesua gidatu duen arduraduna eta jolastoki berria diseinatu duen arkitektoa.
