Oskitxo txapelketan izan ziren Belabietako gimnastak, eta larunbatean kadete eta jubenil B mailakoek parte hartu zuten. «Plazer bat izan da torneo honen parte izatea eta gainera gure neskek lan bikaina egin dute», zehaztu dute Belabietatik. Ondorengo emaitzak lortu zituzten: kadeteetan Uxue Estivarizek 7. postua lortu zuen, Maialen Azpirozek 17.a eta June Martinezek 23.a; jubeniletan Irati Larretak 3. postua, Mireia Larretak 9.a eta azkenik Uxue Ugartemendiak 11.a.
Igandean, berriz, oinarrizko jubenil taldearen txanda izan zen txapelketa berean, bosgarren postua eskuratuz. Klubetik azaldu dutenez, lanean jarraituko dute hurrengo txapelketei begira, datorren asteburuan Euskadiko Ligan eta Beti Ritmica Txapelketan izango baitira.