Ibarrako Udala udalekuetako antolaketa lanekin hasi da jada eta aurrematrikulatzea zabaldu du. Esan du parte hartuko duen ikasle kopuruaren aurreikuspen bat izan nahi dutela Oporretan Euskaraz udalekuak antolatu ahal izateko. Aurrematrikula epea otsailaren 1etik 7ra bitarte da eta horretarako esteka honetan dagoen galdetegia bete behar da. Galdetegia webgunean bertan bete daiteke edo udaleko harreran zein kultur etxean eskatu daiteke, eta behin beteta bertan utzi.