Elkartasuna ez da falta izaten egun hauetan. Ibarrako Sare herritarrak euskal presoen eskubideen alde Gabonetarako ekimen ugari antolatu ditu. Esaterako, igandean kantu bira egin zuten herrian zehar eta igande honetan presoen aldeko manifestazioa egingo dute, 19:00etan herriko plazatik hasita.
Urtarrilaren 13an izango dute hitzordu nagusia, eta 16:00tan Bilbon izango den manifestazio nazionalarekin bat egingo dute. Bilbora joateko autobusa 14:15etan irtengo da kultur etxe paretik. Apuntatzeko interesa dutenek Karlatz, Atari eta Zubiaurre tabernetan eman ahalko dute izena.