Bi urte, sei hilabete eta egun bateko kartzela-zigorra ezarri dio Donostiako zigor-arloko epaitegiak Ibarran gurpil-aulkian zebrabide bat gurutzatzen ari zen gizon bat harrapatu eta hil zuen gidari bati. Epaiak gertakari horien egilea zuhurtziagabekeria larriko giza hilketaren delitu baten arduradun jotzen du, eta bigarren delitu bat ere egozten dio, edari alkoholdunen eraginpean gidatzea, alegia.
Sententziak kartzela-zigorra kendu dio prozesatuari datozen bi urteetan deliturik ez egiteko baldintzarekin. Hori bai, ezingo du gidatu sei urtetan.
Istripua 2022 urteko apirilaren 15ean gertatu zen, 14:30 inguruan. Gidariak gurpil-aulkian zihoan ibartarra harrapatu zuen, zebrabidea gurutzatzen ari zenean. Istripuaren ondorioz, bertan hil zen.