Fernando Narciso bozeramaileak adierazi duenez, «2023ko udan gure lurraldea astindu duten bero-bolada gogorren lekuko izan gara, eta ezin dugu ahaztu muturreko gertaera horiek klima-aldaketarekin lotuta daudela. Zientzialariek hamarkadak daramatzate horren gainean arreta jartzen, baita inpaktuek gure egunerokotasunean duten maiztasunaren hazkundearen gainean ere». Hori dela eta, mozioa aurkeztuko du Ibarran hainbat neurri hartzeko eskatuz: udalerriko azpiegitura berdeari buruzko azterlan bat egitea eta udalerriko gune grisenetan birnaturalizazioa sustatzea; bero handia egiten duenerako aterpe klimatiko gisa erabili daitezkeen kanpoko zein barruko espazioak egokitzea; zuhaitzik edo eguzki-babesik ez dagoen lekuetan eta eremu gris gehiegi dauden lekuetan herritarren osasuna babesteko neurriak hartzea; eta eskolako jolastokiaren eraldaketa sustatzea leku inklusiboagoa, jasangarriagoa eta naturalizatuagoa sortzeko.
Bozeramaile sozialistaren ustez neurri horiek «erronka handia» ekartzen badute ere, Ibarra «klima-aldaketaren aurkako borroka eta horretara» egokitzea da helburua.