Bidetxur Mendi Klubak antolatu du egitasmoa, eta «oso gustura» daude eta balantze positiboa egin dute: «Eguraldia lagun, giro paregabean ibili ziren parte hartzaileak. Aurreko urteko ia ibilbide berdina izan dugu aurtengoan ere, Uzturreko tontorra zapaltzea izan baita aldaketa bakarra. Parte hartzaileen aldetik oso positiboki baloratu dute ibilbidea eta hurrengo urteetan ere mantentzea izango da joera».
Bestalde, antolatzaileek nabarmendu dute Euskal Herri guztitik (Iruñea, Gasteiz, Portugalete edo Iparraldetik) eta kanpotik ere (Logroño, adibidez) etorri direla mendizaleak Ibarrako Mendi Martxa egitera.