Tenperatura altuak zeuden iragarrita gaurko ere, eta ez du hutsik egin. Haurren danborrada egin dute goizean, eta eguraldiagatik ohiko ibilbidea egokitu behar izan dute, haurrak itzaletan egon zitezen. Emeterio Arreseko frontoian elkartu dira, eta Iraunkorrak txarangaren laguntzaz bertan jo dituzte pieza batzuk. Ondoren, plazarako bidea hartu dute eta azken piezarekin amaitutzat eman dute saioa.
Hemen datozen ordu eta egunetako egitaraua:
ABUZTUAK 24, OSTEGUNA, SAN BARTOLOME EGUNA
- 18:00. Bertsolarien emanaldia: Oihana Iguaran, Unai Mendizabal, Iñigo Gorostarzu, Amaia Agirre eta Jexuxmari Irazu, Emeterio Arrese parkean. Gai jartzailea: Joanes Zubia.
- 18:00. Helduen danborradaren entsegua, Azkue auzoan.
- 19:30. Helduen danborrada Iraunkorrak txarangak alaituta.
- 22:30. Zezensuzkoa, San Bartolome plazan.
- 22:45. Andoni Ollokiegi abeslariaren emanaldia, erretirodunen elkartearen aurrealdeko plazan.
- 23:30. Little Martin Selektah eta Lilith Selektah DJ-en emanaldia, plazan.
- Afalostean. Helduen danborradaren kalejira herrian zehar Iraunkorrak txarangarekin batera.
ABUZTUAK 25, OSTIRALA
- 09:00. Diana Giroarte dultzaina taldearen eskutik.
- 10:30. Ibarrako buruhandien konpartsaren kalejira, plazatik abiatuta.
- 11:30. Prudentxi eta Ziriako kale antzerkia herriko kaleetan zehar, Hauspoa Kultur Elkartearen eskutik.
- 14:30. Txekor jatea, Emeterio Arrese parkean, Sendi Ekintzaren eskutik.
- 16:00-20:00. Haur eta nerabeentzat ur parkea eta puzgarriak, Azkueko plazan.
- 19:00. Zo-Zongó! taldearekin kalejira plazatik abiatuta.
- 22.30. Zezensuzkoa, San Bartolome plazan.
- 22:45. DJ Andoniren emanaldia, Txumitxa atzealdeko plazan.
- 23:30. Laket taldearen emanaldia, San Bartolome plazan.
ABUZTUAK 26, LARUNBATA, KIROLAREN EGUNA
- 09:00. Diana Loatzo Musika Eskolako trikitilarien eskutik.
- 10:00. Toka eta bola txapelketa, Emeterio Arrese parkean Ibarrako Kirol Elkartearen eskutik.
- 10:30. Haurrentzako 4x4 futbol txapelketa, Emeterio Arrese parkean Lauburu Kirol Elkartearen eskutik.
- 11:00. Haur eta gazteen toka eta bola txapelketa, Emeterio Arrese parkean Kirol Elkartearen eskutik.
- 11:00. Erretirodunentzako hamaiketakoa, Bizi Nahi elkartean.
- 11:30. Haurrentzat herri kirolak, Emeterio Arrese parkean, Ibarrako gurasoen eskutik.
- 16:00. Zirika Zirkus taldearen Aurkitu gabeko altxorra emanaldia, Emeterio Arrese parkeko Erraketistak pilotalekuan.
- 17:00. Volley txapelketako finalaurrekoak eta finalak, San Bartolome plazan.
- 19:00. Herri kirolak probatu eta gozatu, Ibarrako Sokatira elkartearen eskutik, San Bartolome plazan.
- 22:30. Zezensuzkoa, San Bartolome plazan.
- 22:45. Alurr Dantza Taldearen Laia emanaldia, Emeterio Arrese parkean.
- 00:00. Iratzar taldearen emanaldia, San Bartolome plazan.
- 00:00-03:00. Eraso sexistarik gabeko gunea, San Bartolome plazan.
ABUZTUAK 27, IGANDEA, KUADRILLEN EGUNA
- 09:00. Diana Giroarte dultzaina taldearen eskutik.
- 11:30. Kuadrillak San Bartolome plazan elkartuko dira.
- 11:45. Oañe badeu kuadrilla berriari ongi-etorria: kuadrillen txupinazoa eta brindisa plazan.
- 12:00. Kuadrillen kalejira Bonberenea txarangarekin eta Giroarte dultzaina taldearekin batera.
- 14:30. Kuadrillen bazkaria Etxea nitxek kuadrillak antolatuta, Emeterio Arrese parkean.
- 17:30. DJ Bull, herrian zehar kalejiran.
- 18:00. Sokadun bigantxak 16 urtetik gorakoentzat, Beheko Bideko zelaian.
- 22:30. Zezensuzkoa, San Bartolome plazan.
- 23:00. Muxutruk taldearekin dantzaldia, San Bartolome plazan.
- 00:00. Desfasatuak kuadrillak piperra osasun etxetik San Bartolome plazaraino eramango du, eta ondoren erre egingo dute.
- Ondoren. Muxutruk taldearekin dantzaldia izango da, San Bartolome plazan.
Ibarrako Udalaren jai egitarau ofiziala Chroma enpresak eta Tolosaldeko Komunikazio Taldeak elkarlanean egina izan da aurten ere. Ikusi hemen jai egitarauaren PDF-a.