Txirieguna ari dira ospatzen Ibarran. Txiribitu aisialdi taldekoek antolatu dute, bai aisialdi taldeak eta baita Gazte Asanbladak ere 30 urte betetzen dituztelako. Eguna hasteko puzgarria eta jokoak izan dituzte plazan eta haur zein gazte ugari bildu da bertan. Gaua bitarteko ekitaldiak izango dira aukeran, dena den. Izan ere, bazkaltzeko bilduko dira eta ondoren, bingo musikatua eta prestatu duten abestiaren aurkezpena egingo dituzte. 17:00etan Potx magoa egongo da, triki-poteoa egingo dute gero, eta afaldu ondoren Txiribituren dokumentala erakutsiko dute plazan. 22:30etik aurrera DJ EO egongo da Gaztetxean.