Urola bailarara itzuliko da, beraz, Maiza. 2015ean iritsi zen lehen aldiz Iraurgi taldera. Zilarrezko LEB Ligatik Urrezko LEB Ligara igo zen taldea eta Maiza jokalari garrantzitsua izan zen. Horri esker, Gipuzkoa Basket taldearen deia jaso zuen, eta 2016ko maiatzean Endesa Ligan debuta egin zuen Baskoniaren aurka. Ondoren, partida gehiago jokatu zituen lehen mailan.
2017ko udan, bi urterako kontratua sinatu zuen Gipuzkoa Basket taldearekin. Hala ere, Iraurgin jokatu zuen utzita, Urrezko LEB Ligan. Ondoren Gipuzkoa Basketera itzuli zen, eta azken urteetan, Melillan (Urrezko LEB Ligan), A Coruñan (Urrezko LEB Ligan), Baskoniaren bigarren taldean (Zilarrezko LEB Ligan) eta Zornotzan jokatu du. Azken honetan, Urrezko LEB Ligara igotzeko kanporaketak jokatu ditu 2022-2023 denboraldi amaieran. Orain, Juaristi ISB taldera itzuliko da, 2023-2024 denboraldirako.
