Euskararen Eguna aprobetxatuz, babarrunaren festa ere ospatzeko tartea hartu zuten larunbatean Ibarran; goizean zehar babarrun platerkada goxoena nork prestatuko lehian izan ziren 13 bikote ibartar.
Hauspoa elkarteak antolatuta XI. Babarrun Lehiaketa herrikoia ospatu zuten larunbatean.Denera 13 bikotek hartu zuten parte San Bartolome plazako aterpean egindako lehiaketan, eta Manu eta Mikel Gorostiaga izan ziren plater goxoena prestatu zutenak. Mila Jauregik eta Eva Zubelzuk eskuratu zuten bigarren saria eta hirugarren sariarekin ospatu zuten eguna Ainhoa Muñagorrik eta Manke Davilak.
Argazkiak: Hauspoa elkartea
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!