Bidetxur Mendi Klubak mendi irteera antolatu du igande honetarako. 09:00etan Ibarrako plazan jarri dute hitzordua eta aurrez ez da izenik eman beharko. Guztira 16,2 kilometroko ibilbidea egitea aurreikusi dute: Leaburutik Gaztelura, eta handik Minatxuri eta Larte igo, eta berriro ere Leaburutik pasata herriko plazara buelta. Denera 860 metroko desnibela izango du ibilbideak.
Ibiltarien artean Bidetxur mendu Klubeko lau kamiseta zozketatuko dituzte. Klubarekin harremanetan jarri nahi duenak bidetxuribarra@gmail.com helbidera idatzi ahalko du, edo bestela bere sare sozialen bidez egin ahalko da, Facebooken eta Instagramen.